მარნეულის მუნიციპალიტეტი 16-17 ოქტომბერს მშვილდოსნობის ჩემპიონატს მასპინძლობს.

საქართველოს თასის მე-3 ეტაპი მშვილდოსნობაში დიდებს, ახალგაზრდებსა და კადეტებს შორის, ქალაქ მარნეულის ცენტრალურ სტადიონზე ორი დღის განმავლობაში გაიმართება.

ჩემპიონატზე დასწრება შეუძლია ნებისმიერ დაინტერესებულ პირს. მშვილდოსნობის ჩემპიონატის ჩატარების მიზანია აღნიშნული სპორტის სახეობის პოპულარიზაცია.

ღონისძიების ორგანიზატორია საქართველოს მშვილდოსნობის ეროვნული ფედერაცია, ხოლო  პარტნიორობას  მარნეულის მუნიციპალიტეტის სპორტული სკოლა უწევს.