მარნეულის მუნიციპალიტეტში, წითელი ხიდის საზღვრის მიმდებარე ტერიტორიაზე, მარნეულისა და ჰუჯაბის ეპისკოპოს გიორგის (ჯამდელიანი) ლოცვა-კურთხევით, მთავარანგელოზთა სახელობის მამათა მონასტერში საფუძველი ჩაეყარა წმინდა ანდრია პირველწოდებულის სახელობის ტაძრის მშენებლობას. 

ანდრია მოციქული საქართველოში ცნობილი იყო, როგორც  ქრისტიანობის პირველი მქადაგებელ-გამავრცელებელი.

ტერიტორიის საზეიმო კურთხევას დაესწრნენ: მარნეულის მუნიციპალიტეტის მერი კენან ომაროვი; ქვემო ქართლში სახელმწიფო რწმუნებული გიორგი დოხტურიშვილი, რწმუნებულის პირველი მოადგილე გიორგი შინჯიკაშვილი; საქართველოს პარლამენტის წევრები ზაურ დარგალი და ალექსანდრე დალაქიშვილი; მარნეულის საკრებულოს თავმჯდომარე ამირან გიორგაძე; გარდაბნის მუნიციპალიტეტის მერი დავით კარგარეთელი, მარნეულის საკრებულოს დეპუტატები, ადგილობრივი თვითმმართველობის ხელმძღვანელი პირები და წარმომადგენლები, სასულიერო პირები, მრევლი.