ქალაქ მარნეულში, რუსთაველის ქუჩისა და 26 მაისის ქუჩის მიმდებარე ტერიტორიაზე, ადგილობრივი ბიუჯეტის დაფინანსებით, ინფრასტრუქტურული სამუშაოები მიმდინარეობს. პროექტის ფარგლებში, რუსთაველის ქუჩაზე, №5 საჯარო სკოლის წინ ტერიტორიაზე, ეწყობა რკინის დეკორატიული ღობე და ბაზალტის ბორდიულები, ასევე იგება ასფალტის საფარი. პარალელურად მიმდინარეობს 26 მაისის ქუჩის ღობის აღდგენითი სამუშაოები, რომლის ფარგლებშიც აშენდა რკინა ბეტონის კედელი, რომელზეც მოეწყობა დეკორატიული ღობე. განახლდა ქალაქ მარნეულის დავით აღმაშენებლის სახელობის ეკლესიის ეზოს ამორტიზირებულ ღობეც. ქალაქის კეთილმოწყობითი სამუშაოებისთვის ადგილობრივი ბიუჯეტიდან 74, 827 ლარი გამოიყო.