.დღეს, 28 ივლისს 19:00  საათზე  ქალაქი რუსთავი ცენტრალურ მოედანზე ევროპული საკლუბო ფეხბურთის სამი თასს – უეფას სუპერ თასს, ჩემპიონთა ლიგისა და ევროპა ლიგის თასებს უმასპინძლებს,  სადაც ყველა მსურველს, მათი  ნახვისა და სამახსოვრო ფოტოების გადაღების შესაძლებლობა მიეცემათ.

ცენტრალურ მოედანზე განთავსებულ თასებს ქვემო ქართლის რწმუნებული-გუბერნატორი პაატა  ხიზანიშვილი, ქალაქ რუსთავის მერი დავით ჯიქია და საქართველოს ფეხბურთის ფედერაციის პრეზიდენტი ზვიად სიჭინავა მოინახულებენ.
უეფას სუპერ თასის  მოგზაურობა 3 ივლისს, ქალაქ ფოთიდან დაიწყო და მთელი საქართველოს მასშტაბით 13-ვე რეგიონს ესტუმრება.
შეგახსენებთ, რომ უეფას სუპერ თასის მატჩი 11 აგვისტოს თბილისში, დინამო არენაზე გაიმართება. ერთმანეთს უეფას ჩემპიონთა ლიგის წლევანდელი გამარჯვებული კატალონიური კლუბი „ბარსელონა“ და ევროპა ლიგის გამარჯვებული - საფეხბურთო კლუბი „სევილია“ დაუპირისპირდებიან.