მარნეულის მუნიციპალიტეტის მერი, კენან ომაროვი და საკრებულოს თავმჯდომარე ამირან გიორგაძე, სადახლოს №1 საჯარო სკოლაში წარმატებული აბიტურიენტების დაჯილდოების ღონისძიებას დაესწრნენ.

წელს, სადახლოდან 98-მა მოსწავლემ წარმატებით ჩააბარა ეროვნული გამოცდები და გახდა სტუდენტი. მათ მუნიციპალიტეტის ხელმძღვანელმა პირებმა სერტიფიკატები და სიმბოლური საჩუქრები გადასცეს.

 „ვულოცავ ჩვენს ახალგაზრდებს ერთიანი ეროვნული გამოცდების წარმატებით ჩაბარებას და სტუდენტობას. თქვენს მიერ შეძენილი ცოდნა და განათლება შექმნის ჩვენი ქვეყნის მომავალს, თქვენს შრომაზე და მონდომებაზეა დამოკიდებული თქვენი მიღწევები. წარმატებებს გისურვებთ!“- მარნეულის მუნიციპალიტეტის მერი კენან ომაროვი.

ღონისძიება, რომელსაც ასევე მარნეულის მუნიციპალიტეტის საკრებულოს დეპუტატები ვასილ ხახულაშვილი და აიაზ ხუდიევი ესწრებოდნენ, საკრებულოს თავმჯდომარის მოადგილის, როვშან ისკანდაროვის ინიციატივით გაიმართა.