მარნეულის მუნიციპალიტეტის მერმა კენან ომაროვმა, ქვემო ქართლში სახელმწიფო რწმუნებულმა გიორგი დოხტურიშვილმა, მარნეულისა და გარდაბნის მაჟორიტარ-დეპუტატმა პარლამენტში, ზაურ დარგალმა და მარნეულის საკრებულოს თავმჯდომარემ, ამირან გიორგაძემ  მარნეულის მუნიციპალიტეტში, ინფრასტრუქტურული პროექტის სამშენებლო სამუშაოები მოინახულეს.

პროექტის მიხედვით, აშენდება ადმინისტრაციული შენობა, რომელიც განკუთვნილი იქნება მერიის დაქვემდებარებაში არსებული ა(ა)იპ-ების და შპს-ების სამსახურებისთვის. ასევე, მიმდინარეობს ავტობუსებისთვის, ნაგავმზიდებისა და სხვა სპეცტექნიკისთვის სპეციალური შენობების მოწყობა, ეზოს ტერიტორიაზე აშენდება ავტოსამრეცხაოც.

პროექტის სრული ღირებულება შეადგენს 2 460 000 ლარს და  სრულად დაფინანსებულია ადგილობრივი ბიუჯეტიდან.

ასევე, ინფრასტრუქტურული პროექტი რწმუნებულის მოადგილეებმა, ნიკა კობახიძემ და ილია ჯალაღანიამ, მარნეულის მუნიციპალიტეტის მერის პირველმა მოადგილემ როინ დეკანოიძემ და  ადგილობრივი ხელისუფლების წარმომადგენლებმა მოინახულეს.

აღნიშნული პროექტი მოქალაქეებისთვის სერვისების მიწოდების გაუმჯობესებას ემსახურება.