პრემიერ-მინისტრის ირაკლი ღარიბაშვილის გადაწყვეტილებით, რეგიონის სახელმწიფო რწმუნებულებისა და მთავრობის რეგიონებთან ურთიერთობის დეპარტამენტის ჩართულობით, საქართველოს რეგიონებიდან უკრაინაში ჰუმანიტარული ტვირთი კიდევ ერთხელ გაიგზავნა.
აღნიშნულ ჰუმანიტარულ კამპანიაში, მარნეულის მუნიციპალიტეტი უკვე მეორედ ჩაერთო.
მარნეულის მერიაში ჰუმანიტარული ტვირთის მობილიზების პროცესს, მუნიციპალიტეტის მერი კენან ომაროვი ადგილზე პირადად გაეცნო.
აღსანიშნავია, რომ მეორე ეტაპის ტვირთის შეძენა ნოვრუზ ბაირამის ღონისძიებიდან დაზოგილი თანხით მოხდა. შეგახსენებთ, წელს მარნეულის მუნიციპალიტეტში ნოვრუზის ტრადიციულმა დღესასწაულმა, უკრაინაში განვითარებული მოვლენების გამო, სოლიდარობის ნიშნად, გალა კონცერტის გარეშე ჩაიარა.
სოლიდარობის კამპანიაში მუნიციპალიტეტის თვითმმართველობის თანამშრომლებიც ჩაერთნენ. ტვირთი ძირითადად ბავშვთა კვებას და ჰიგიენურ საშუალებებს მოიცავს.
აღმოსავლეთ საქართველოს რეგიონებში შეგროვებული ტვირთის მობილიზება თბილისში, საქართველოს ფოსტის ტერმინალში ხდება, რის შემდეგაც, სახმელეთო გზით უკრაინაში გაიგზავნება.
მარნეულის მუნიციპალიტეტი სოლიდარობას უცხადებს უკრაინასა და უკრაინელ ხალხს!
სიახლეები
მარნეულის მუნიციპალიტეტი უკრაინელი ხალხისადმი სოლიდარობის კამპანიას მეორედ შეუერთდა
29 მარ 2022
მნახველთა რაოდენობა: 3012
სიახლეები
აპრ 03 ოთხ 2024
430
აპრ 22 ოთხ 2020
15601
აპრ 22 შბ 2017
28823
იან 09 ორშ 2017
28380
აგვ 30 სამ 2016
30389
აგვ 27 შბ 2016
29673
სექ 02 პარ 2016
28090
აგვ 26 პარ 2016
27591
აგვ 30 სამ 2016
25732