მარნეულში, დევნილი ოჯახებისთვის სოფლის ტიპის დასახლება აშენდა. თანამედროვე სტანდარტების შესაბამისი 31 სახლი იმ ოჯახებს გადაეცათ, რომლებიც წლების განმავლობაში ნგრევად შენობაში ცხოვრობდნენ.
ახალი სოფელი საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა ეკატერინე ტიკარაძემ, გერმანიის საგანგებო და სრულუფლებიანმა ელჩმა ჰუბერტ ქნირშმა, პარლამენტში მარნეულისა და გარდაბნის მაჟორიტარმა დეპუტატმა ზაურ დარგალმა, დევნილთა სააგენტოს დირექტორმა ბესარიონ სიმონიშვილმა, ქვემო ქართლში სახელმწიფო რწმუნებულმა შოთა რეხვიაშვილმა და მარნეულის მუნიციპალიტეტის მერის მოვალეობის შემსრულებელმა ზაურ ტაბატაძემ გახსნეს.
ინოვაციური პროექტის განხორციელება გერმანიისა და საქართველოს მთავრობების წარმატებული თანამშრომლობის შედეგად გამოყოფილი 10 მილიონი ევროს ოდენობის გრანტის ფარგლებში გახდა შესაძლებელი. მნიშვნელოვანია, რომ ახალი სოფლის მიმდებარე ტერიტორიაზე საბავშვო ბაღის მშენებლობაც იწყება.
გერმანიის რეკონსტრუქციისა და განვითარების ბანკის დაფინანსებულ პროექტს, რომელიც დევნილთა განსახლებასთან ერთად, მათ ეკონომიკურ, სოციალურ და საგანმანათლებლო ინტეგრაციასაც ითვალისწინებს, ლტოლვილთა დანიის საბჭო ახორციელებს.
აღსანიშნავია, რომ მარნეულის მუნიციპალიტეტის მერიამ რეგიონული პროექტების ფარგლებში, ადგილობრივი ბიუჯეტის თანადაფინანსებით, სოფელში გზების ინფრასტრუქტურული სამუშაოები ჩაატარა, რომლის ღირებულებამ 722 510 ლარი შეადგინა.
სიახლეები
მარნეულში 31 დევნილი ოჯახისთვის სოფლის ტიპის დასახლება აშენდა
12 ოქტ 2021
მნახველთა რაოდენობა: 3976
სიახლეები
აპრ 03 ოთხ 2024
631
აპრ 22 ოთხ 2020
15781
აპრ 22 შბ 2017
29017
იან 09 ორშ 2017
28572
აგვ 30 სამ 2016
30577
აგვ 27 შბ 2016
29832
სექ 02 პარ 2016
28278
აგვ 26 პარ 2016
27775
აგვ 30 სამ 2016
25892
ორშ | სამ | ოთხ | ხუთ | პარ | შბ | კვ |
1 | 2 | 3 | 4 | 5 | ||
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 |