დღეს, 30 ივნისს მარნეულის მუნიციპალიტეტის გამგეობის მცირე საკონფერენციო დარბაზში პროექტ „სამოქალაქო ბიუჯეტის” ფარგლებში ადგილობრივი კოორდინატორების ტრენინგის მეორე ეტაპი დასრულდა.
ლოკალურ კორდინატორებს ტრენინგის მეორე ეტაპზე, თანამონაწილეობითი ბიუჯეტის პრინციპები, მათი როლი, პროექტის განხორციელების ეტაპები, ვადები, თანხების გადანაწილებისა და პროექტის განაცხადის წარდგენის გზები გააცნეს.
ტრენინგის მიმდინარეობისას კორდინატორებისთვის, საკითხის უკეთ შესწავლის მიზნით, სხვადასხვა პრაქტიკული სავარჯიშოებიც ჩატარდა.
შეგახსენებთ, რომ კოორდინატორების დატრენინგება პოლონელმა ექსპერტებმა, გამგეობის თანამშრომლებმა და პროექტში ჩართულმა კვალიფიციურმა პირებმა უზრუნველყვეს, რომლებმაც მსმენელებს დეტალური ინფორმაცია მიაწოდეს, თუ როგორ უნდა იმუშაონ თემთან და როგორ უნდა უზრუნველყონ პროექტის ეფექტური განხორციელება.
პროექტი ხორციელდება პოლონეთის რესპუბლიკის საგარეო საქმეთა სამინისტროს მიერ დაფინანსებულ ,,დემოკრატიის მხარდაჭერის“ პროგრამის ფარგლებში.
პარტნიორები არიან:
პოლონური ფონდი ,,სხვა სივრცე“(Other Space Fundation”);
ა(ა)იპ ,,ერთიანი კავკასია“ ;
საერთაშორისო სოლიდარობის ფონდი;
მარნეულის მუნიციპალიტეტის გამგეობა;