მარნეულის მუნიციპალიტეტის ადმინისტრაციულ ერთეულებში 2026 წლის „სოფლის მხარდაჭერის პროგრამის“ ფარგლებში, სოფლის კრებებისა და კონსულტაციების გამართვა 9 თებერვლიდან დაიწყება.

პროგრამის ფარგლებში ადგილობრივი მოსახლეობა დასახლებების მიხედვით განსაზღვრავს იმ პრიორიტეტულ პროექტებს, რომლებიც დაფინანსდება.(პროექტების ჩამონათვალი)

მოქალაქეებისგან საპროექტო წინადადებების მიღება განხორციელდება მარნეულის მუნიციპალიტეტის მერიაში (მისამართი: ქ. მარნეული, რუსთაველის ქ. №73). ასევე, ადმინისტრაციულ ერთეულებში მერიის წარმომადგენლობებში ყოველ სამუშაო დღეს, 09:00 საათიდან 18:00 საათამდე, 2026 წლის 26 იანვრიდან 6 თებერვლის ჩათვლით პერიოდში.

მარნეულის მუნიციპალიტეტის თვითმმართველობა მოუწოდებს მოსახლეობას, აქტიურად ჩაერთოს დაგეგმილ შეხვედრებში და მონაწილეობა მიიღოს გადაწყვეტილებების მიღების პროცესში.
(საერთო კრების სხდომის ან კონსულტაციის გამართვის თარიღი და დრო - სოფლების მიხედვით - გრაფიკი)

ამასთან, საპროექტო წინადადებების გამოგზავნა შესაძლებელია ელექტრონული ფოსტის საშუალებით municipaliteti@marneuli.gov.ge შევსებული სპეციალური ფორმის სახით (ფორმა).

2026 წელს მარნეულის მუნიციპალიტეტისთვის საქართველოს სახელმწიფო ბიუჯეტით გათვალისწინებული „საქართველოს რეგიონებში განსახორციელებელი პროექტების ფონდიდან“, „სოფლის მხარდაჭერის პროგრამის“ ფარგლებში, 1 232 000 ლარია გამოყოფილი. 

ბრძანება მარნეულის მუნიციპალიტეტის დასახლებებში საქართველოს რეგიონებში განსახორციელებელი პროექტების ფონდიდან სოფლის მხარდაჭერის პროგრამის ფარგლებში დასაფინანსებელი პროექტების შერჩევისა და საერთო კრებების/კონსულტაციების გამართვის მიზნით სამუშაო ჯგუფის შექმნის თაობაზე

ბრძანება მარნეულის მუნიციპალიტეტის დასახლებებში საქართველოს რეგიონებში განსახორციელებელი პროექტების ფონდიდან სოფლის მხარდაჭერის პროგრამის ფარგლებში დასაფინანსებელი პროექტების შერჩევის მიზნით დასახელების საერთო კრებების და ამომრჩეველთა კონსულტაციების ინიცირების შესახებ