სოფელ კუშჩუში სასმელი წყლის სისტემის მოწყობის პროექტი დასრულდა.

დასრულებულ სამუშაოებს მარნეულის მუნიციპალიტეტის მერი დაურ ისმაილოვი გაეცნო და სოფლის მცხოვრებლებს შეხვდა.

პროექტის ფარგლებში მოეწყო 200 მეტრი სიღრმის ახალი ჭაბურღილი, 25 მ³ მოცულობის ლითონის კოშკურა-რეზერვუარი, საქლორატორო სადგური და 7 785 მეტრი სიგრძის წყალმომარაგების გამანაწილებელი ქსელი.

ახალი წყალმომარაგების სისტემით 126 აბონენტი ისარგებლებს.

პროექტი რეგიონული განვითარების ფონდისა და ადგილობრივი ბიუჯეტის თანადაფინანსებით განხორციელდა და მისი ჯამური ღირებულება 840 000 ლარამდეა.