მარნეულის მუნიციპალიტეტის მერი, დაურ ისმაილოვი, მერის პირველ მოადგილესთან, გიორგი გოდაბრელიძესთან ერთად, სოფელ სიონსა და წერაქვში თოვლისგან გზის გაწმენდითი სამუშაოების მიმდინარეობას ადგილზე გაეცნო.

გაწმენდით სამუშაოებში ჩართულია მერიის შესაბამისი სამსახურები და სპეციალური ტექნიკა. საავტომობილო გზების დეპარტამენტთან თანამშრომლობით მიმდინარეობს გზების გაწმენდა როგორც სოფლებში, ისე სოფლებამდე მისასვლელ მონაკვეთებზე.

აღსანიშნავია, რომ მარნეულის მუნიციპალიტეტის სოფლებში — შაუმიანში, აღკულაში, სიონსა და წერაქვში — საავტომობილო გზები გაწმენდილია. სპეცტექნიკა გაწმენდით სამუშაოებს საჭიროებისამებრ, ინტენსიურ რეჟიმში განაგრძობს.

მარნეულის მუნიციპალიტეტის მერია მოსახლეობას მოუწოდებს გადაადგილდნენ ზამთრის სეზონისთვის შესაბამისი საბურავებით, ტექნიკურად გამართული ავტოსატრანსპორტო საშუალებებით და დაიცვან საგზაო უსაფრთხოების წესები.