მარნეულის მუნიციპალიტეტის მერი დაურ ისმაილოვი, ქვემო ქართლში სახელმწიფო რწმუნებულ ილია ჯალაღანიასთან, საქართველოს პარლამენტის წევრ ზაურ დარგალთან და მარნეულის მუნიციპალიტეტის საკრებულოს თავმჯდომარე ამირან გიორგაძესთან ერთად მარნეულში ქუჩების პერიოდული მოვლა-შენახვის პროგრამის ფარგლებში მიმდინარე სამუშაოებს გაეცნო.

ამ ეტაპზე ასფალტ-ბეტონის საფარი გოგებაშვილის, ჯავახიშვილისა და ვაჩნაძის ქუჩებზე ეწყობა. პროექტის ფარგლებში რეაბილიტირდება გზის 2 კილომეტრამდე მონაკვეთი.

განახლებული საგზაო ინფრასტრუქტურით, რომელიც მნიშვნელოვნად გააუმჯობესებს გადაადგილების პირობებს, დაახლოებით 300 ოჯახი ისარგებლებს.

სამუშაოების საერთო ბიუჯეტი 800 000 ლარს შეადგენს. ინფრასტრუქტურული პროექტის მიმდინარეობას თვითმმართველობის ხელმძღვანელი პირები გაეცნენ.