მარნეულის მუნიციპალიტეტის მერი კენან ომაროვი, ქვემო ქართლის სტატისტიკის ბიუროს ხელმძღვანელთან, ლია მდინარაძესთან ერთად ადმინისტრაციულ ერთეულებში მერის წარმომადგენლებს შეხვდა.

 შეხვედრაზე განიხილეს 2024 წელს მოსახლეობის საყოველთაო აღწერასთან დაკავშირებული საკითხები და საერთაშორისო რეკომენდაციები.

 აღსანიშნავია, რომ მოსამზადებელი სამუშაოები მიმდინარე წლის თებერვლიდან დაიწყო და პროექტის ფარგლებში, მარნეულის მუნიციპალიტეტში 80-მდე მოქალაქე დასაქმდა.

 აღწერის შედეგად მიღებული იქნება უახლესი ინფორმაცია მოსახლეობის რიცხოვნობის, სქესობრივ-ასაკობრივი სტრუქტურის, დასაქმების, განათლების, ჯანმრთელობის მდგომარეობის და საცხოვრისების შესახებ. ქვეყანაში ბოლო აღწერა 2014 წელს ჩატარდა.