მარნეულის მუნიციპალიტეტში ახალი საბავშვო ბაღების მშენებლობა აქტიურად მიმდინარეობს

 სოფელ შულავერსა და წერეთელში სკოლამდელი აღზრდის დაწესებულების მშენებლობა აქტიურ ფაზაშია. პროექტირების ეტაპზეა ქალაქ მარნეულში დაგეგმილი საბავშვო ბაღის მშენებლობა.

 თანამედროვე სტანდარტების მქონე, ენერგოეფექტური შენობები შესაბამისი ინვენტარით აღიჭურვება. სამივე საბავშვო ბაღი 2025 წლის ბოლოსთვის დასრულდება და ჯამში მოემსახურება 550 ბავშვს.

 საბავშვო ბაღების მშენებლობას მუნიციპალური განვითარების ფონდი ახორციელებს, რომლის საერთო ღირებულება 10 416 000 ლარია.

 აღსანიშნავია, რომ მარნეულის მუნიციპალიტეტში, ეტაპობრივად 10 საბავშვო ბაღი აშენდება.