მარნეულის მუნიციპალიტეტის თვითმმართველობის ხელმძღვანელი პირები დასუფთავების სამსახურში დასაქმებულ ქალბატონებს შეხვდნენ და ქალთა საერთაშორისო დღე მიულოცეს.
შეხვედრას მარნეულის მუნიციპალიტეტის მერი კენან ომაროვი, საქართველოს პარლამენტის წევრი ზაურ დარგალი და საკრებულოს თავმჯდომარე ამირან გიორგაძე ესწრებოდნენ. მათ ქალებს საზოგადეობისთვის გაწეული თავდაუზოგავი შრომისა და ძალისხმევისთვის მადლობა გადაუხადეს და ყვავილების თაიგულები გადასცეს.
ღონისძიების ფარგლებში, ქალბატონებს მადლობის სიგელები და ფულადი ჯილდო გადაეცათ.
