მარნეულის მუნიციპალიტეტის ხელმძღვანელმა პირებმა, ფაშიზმზე გამარჯვების 80 წლისთავთან დაკავშირებით 9 მაისის მემორიალი გვირგვინით შეამკეს.
ძეგლის „კიდევაც დაიზრდებიან“ მიმდებარედ, ქალაქ მარნეულის მე-5 საჯარო სკოლის მოსწავლეებმა ღონისძიება გამართეს.
მარნეულის მუნიციპალიტეტის მერი, კენან ომაროვი, საქართველოს პარლამენტის წევრი ზაურ დარგალი და მარნეულის საკრებულოს თავმჯდომარე, ამირან გიორგაძე სიტყვით გამოვიდნენ და საზოგადოებას ფაშიზმზე გამარჯვების დღე მიულოცეს.
