მარნეულის მუნიციპალიტეტის სოფელ იმირში შიდა გზების სარეაბილიტაციო სამუშაოები აქტიურ რეჟიმში მიმდინარეობს. პროექტის მიმდინარეობას მარნეულის მუნიციპალიტეტის მერის პირველი მოადგილე როინ დეკანოიძე მერიის სტრუქტურული ერთეულების ხელმძღვანელებთან ერთად გაეცნო.
პროექტის მეორე ეტაპის ფარგლებში, გზის 650 მეტრი სიგრძის მონაკვეთზე ასფალტ-ბეტონის საფარი იგება.
პროექტი რეგიონული განვითარების ფონდისა და ადგილობრივი ბიუჯეტის თანადაფინანსებით ხორციელდება და მისი ღირებულება 350 000 ლარს შეადგენს.
