ქალაქ მარნეულში, რუსთაველის ქუჩის №81-ის მიმდებარედ, სკვერის მოწყობა და არსებული სტადიონის რეაბილიტაცია მიმდინარეობს.
ასევე, აქტიურ ფაზაშია ჯანდარის დასახლებაში სკვერის მოწყობის და სტადიონის რეაბილიტაციის სამუშაოები.
მიმდინარე სამუშაოებს, მარნეულის მუნიციპალიტეტის მერის პირველი მოადგილე, როინ დეკანოიძე და სტრუქტურული ერთეულების ხელმძღვანელი პირები ადგილზე გაეცნენ.
აღნიშნული პროექტები ადგილობრივი ბიუჯეტიდან ფინანსდება და მათი ჯამური ღირებულება 558 000 ლარს შეადგენს.
