საიტი მუშაობს სატესტო რეჟიმში
მარნეულის მუნიციპალიტეტის მერიის ფინანსური მხარდაჭერით 3 შშმ პირი საზაფხულო ბანაკში იმყოფებოდა
ურეკის 7 დღიანი ბანაკის ფარგლებში ჩატარდა ჩემპიონატი სპორტის სხვადასხვა სახეობაში: პეინტბოლში, პარაოლიმპიური სპორტის სახეობაში ბოჩა, მჯდომარე ფრენბურთში, მკლავჭიდში, მშვილდოსნობაში, დომინოსა და ნარდში, წოლჭიმში, როგორც გუნდურ ისე ინდივიდუალურ დისციპლინებში.
მარნეულის მუნიციპალიტეტის მერიის ფინანსური მხარდაჭერით, აქტიური სპორტული ცხოვრებით დაკავებული შშმ პირები მარნეულიდან, ტრადიციულ საზაფხულო ბანაკში იმყოფებოდნენ. ბანაკი შშმ პირებისთვის ახალგაზრდული მედიაკავშირის ორგანიზებით ურეკში გაიმართა.
ურეკის 7 დღიანი ბანაკის ფარგლებში ჩატარდა ჩემპიონატი სპორტის სხვადასხვა სახეობაში: პეინტბოლში, პარაოლიმპიური სპორტის სახეობაში ბოჩა, მჯდომარე ფრენბურთში, მკლავჭიდში, მშვილდოსნობაში, დომინოსა და ნარდში, წოლჭიმში, როგორც გუნდურ ისე ინდივიდუალურ დისციპლინებში.
ჩემპიონატზე, სპორტის სხვადასხვა სახეობაში, წარმატებით იასპარეზეს მარნეულის წარმომადგენლებმა: შორენა კრაველიძემ, გიორგი მანჯიკაშვილმა და გოჩა კოჩალაძემ.
პროექტის მიზანს წარმოადგენს შშმ პირების საზოგადოებაში სრულფასოვანი ინტეგრაციის ხელშეწყობა, თანაბარუფლებრივი მდგომარეობის დამკვიდრება, შემეცნებისა და ცნობიერების ამაღლება შეზღუდული შესაძლებლობის მქონე პირთა შესახებ.
