საიტი მუშაობს სატესტო რეჟიმში
საგზაო ინფრასტრუქტურა მარნეულში
მარნეულის მუნიციპალიტეტში მიმდინარე საგზაო ინფრასტრუქტურის მოწყობის სამუშაოები ცენტრალური და ადგილობრივი ხელისუფლების წარმომადგენლებმა დაათვალიერეს.
მარნეულის მუნიციპალიტეტში მიმდინარე საგზაო ინფრასტრუქტურის მოწყობის სამუშაოები ცენტრალური და ადგილობრივი ხელისუფლების წარმომადგენლებმა დაათვალიერეს.
მარნეულის მუნიციპალიტეტის მერმა კენან ომაროვმა, ქვემო ქართლში სახელმწიფო რწმუნებულმა გიორგი დოხტურიშვილმა, მარნეულისა და გარდაბნის მაჟორიტარმა დეპუტატმა ზაურ დარგალმა, მარნეულის საკრებულოს თავმჯდომარემ ამირან გიორგაძემ, რეგიონული განვითარების და ინფრასტრუქტურის მინისტრის პირველმა მოადგილემ ილია ბეგიაშვილმა და მუნიციპალიტეტის სხვა ხელმძღვანელმა პირებმა, მარნეულში მიმდინარე საგზაო ინფრასტრუქტურის მოწყობის სამუშაოები დაათვალიერეს.
მარნეულში აღმაშენებლის ქუჩის სრული რეაბილიტაცია მიმდინარეობს, რომელიც უერთდება მარნეული-ლომთაგორას საავტომობილო გზას და მოხდება ქალაქ რუსთავთან უმოკლესი გზით დაკავშირება. ასევე, აქტიურ ფაზაშია სოფელ ბაიდარის შიდა გზის მოასფალტების სამუშაოები.
აღნიშნული პროექტები რეგიონული განვითარების ფონდის და ადგილობრივი ბიუჯეტის თანადაფინანსებით ხორციელდება და ჯამური ღირებულება 2 210 068 ლარს შეადგენს.
აღსანიშნავია, რომ 2023 წელს, მარნეულის მუნიციპალიტეტის 10 სოფელში მოეწყობა შიდა საგზაო ინფრასტრუქტურა.
