საიტი მუშაობს სატესტო რეჟიმში
ეთნიკური უმცირესობებისთვის ხარისხიან განათლებაზე ხელმისაწვდომობის შესწავლის მიზნით, თემატურმა ჯგუფმა მარნეულში შეხვედრები გამართა
მარნეულში ეთნიკური უმცირესობების ხარისხიან განათლებაზე ხელმისაწვდომობის შესწავლის მიზნით საქართველოს პარლამენტში განათლების კომიტეტში შექმნილი თემატური მოკვლევის ჯგუფმა შეხვედრები გამართა.
მარნეულში ეთნიკური უმცირესობების ხარისხიან განათლებაზე ხელმისაწვდომობის შესწავლის მიზნით საქართველოს პარლამენტში განათლების კომიტეტში შექმნილი თემატური მოკვლევის ჯგუფმა შეხვედრები გამართა.
ჯგუფის წევრებმა, განათლებისა და მეცნიერების კომიტეტის თავმჯდომარის პირველი მოადგილის თამარ ტალიაშვილის და კომიტეტის წევრის ხათუნა კვიციანის ხელმძღვანელობით, საქართველოს პარლამენტის წევრებთან ზაურ დარგალთან და სავალან მირზოევთან, სკოლის დირექტორებთან, რესურს ცენტრის, ბაგა-ბაღების გაერთიანების წარმომადგენლებთან ერთად განიხილეს ეთნიკური უმცირესობებისთვის ხარისხიან განათლებასთან დაკავშირებული საკითხები.
შეხვედრებს ასევე ესწრებოდნენ მარნეულის მერი, კენან ომაროვი და საკრებულოს თავმჯდომარე, ამირან გიორგაძე.
„განათლება ადამიანის ერთ-ერთი მთავარი უფლებაა. ხარისხიანი და ხელმისაწვდომი განათლება ქვეყნის მდგრადი განვითარებისთვის მნიშვნელოვან პირობას წარმოადგენს, ამიტომ მივესალმებით აღნიშნული მიმართულებით გატარებულ ყველა სასიკეთო ღონისძიებას“-კენან ომაროვი.
