ქვემო წერაქვის სამონასტრო კომპლექსი მარნეულის მუნიციპალიტეტში, მდინარე შულავერის წყლის მარცხენა შენაკადის ხევში, სოფელი წერაქვიდან 2,5 კმ-ის მანძილზე, ბუნებრივად მოზღუდულ ტყიან, მყუდრო ადგილას მდებარეობს.
მონასტერი შედგება რამოდენიმე ნაგებობისაგან:
ღვთისმშობლის სახელობის მიძინების ტაძარი
წმ. გიორგის სახელობის ეკლესია
მთავარანგელოზის ეკლესია
მარანი
კელიები
გალავანი და კარიბჭე
წერაქვის სამონასტრო კომპლექსი XII საუკუნის ბოლოთი ან XIII საუკუნის დასაწყისით
თარიღდება. ქვემო წერაქვის სამონასტრო კომპლექსი ნაკლებად შესწავლილი ძეგლი იყო. XVსაუკუნეში მეორედ განახლდა ზაზა ფანასკერტელის მიერ, რომელსაც იმ დროისთვის ეკუთვნოდა ქვემო წერაქვი. სამონასტრო კომპლექსს საბოლოოდ ძირითადი რესტავრაცია ჩაუტარდა 2004-2010 წლებში, რომელიც დღესაც მიმდინარეობს.
სამონასტრო კომპლექსში მოღვაწეობენ ბერები.
მონასტერი მარნეულისა და ჰუჯაბის ეპარქიაში შედის, რომლის წინამძღვარია მეუფე გიორგი. კომპლექსი მოქმედია, მიმდინარეობს წირვა ლოცვა, წინამძღვარია - მამა ზენონი.
რუბრიკისთვის მასალა მოამზადა მარნეულის მუნიციპალიტეტის კულტურის სამსახურის
მთავარმა სპეციალისტმა ელგუჯა კუპატაძემ.