მიმდინარე წლის 25 აგვისტოს, 13:00 საათზე, მარნეულის დემოკრატიული ჩართულობის ცენტრში გაიმართება პრესკონფერენცია მუსიკის საერთაშორისო ფესტივალის „ერთიანი კავკასია“ – „ONE CAUCASUS” –ს შესახებ, რომელიც გაიმართება 27–29 აგვისტოს მარნეულის მუნიციპალიტეტის სოფელ წერაქვში.

პრესკონფერენციას დაესწრებიან ქვემო ქართლში სახელმწიფო რწმუნებულის-გუბერნატორის ადმინისტრაციის ხელმძღვანელი პირები, მარნეულის მუნიციპალიტეტის გამგებელი მერაბ თოფჩიშვილი, ფესტივალის კოორდინატორი აბდულა მეხტიევი, ფესტივალის ორგანიზატორი ვიტეკ ჰებანოვსკი, თვითმმართველობის თანამშრომლები, მედია საშუალების წარმომადგენლები და სხვა დაინტერესებული პირები.

დამატებითი ინფორმაციისთვის ეწვიეთ ვებსაიტს: www.onecaucasus.org