მარნეულის მუნიციპალიტეტი უმასპინძლებს საქართველოს ჩემპიონატს, ჭაბუკ მოკრივეთა შორის.

სპორტული ღონისძიება, რომელიც მიმდინარე წლის 14 თებერვალს, 14:00 საათზე, ქალაქ მარნეულში, “ათა ჰოლდინგის” სპორტულ დარბაზში გაიხსნება, საქართველოს კრივის ეროვნული ფედერაციის ხელმძღვანელობითა და ადგილობრივი თვითმმართველობის მხარდაჭერით დაიგეგმა.

აღსანიშნავია, რომ ჩემპიონატის ფარგლებში ასევე, ჩატარდება კრივის ეროვნული კატეგორიის მწვრთნელთა და მსაჯთა სემინარები.

მწვრთნელთა სემინარების დასაწყისი: 11:00 სთ.

მსაჯთა სემინარების დასაწყისი: 12:00 სთ.