შპს „ქართლი ჯენერეიშენის“ მიერ, გზშ-ის ჩატარების საჭიროების დადგენის მიზნით, საქართველოს გარემოს დაცვისა და სოფლის მეურნეობის სამინისტროში წარდგენილია მარნეულის მუნიციპალიტეტში, სოფ. იაღლუჯაში 110 კვ ძაბვის მიწისზედა ელექტროგადამცემი ხაზის გაყვანისა და 110/35 კვ ძაბვის ქვესადგურის განთავსების სკრინინგის განცხადება.

წარმოდგენილი ინფორმაციის თანახმად, „მარნეულის მზის ელექტროსადგურის“ პროექტის ფარგლებში, შპს „ქართლი ჯენერეიშენის“ მიერ, კომპანიის საკუთრებაში არსებულ 100 ჰა ფართობის მქონე არასასოფლო-სამეურნეო დანიშნულების მიწის ნაკვეთის (ს/კ: 83.20.01.661) ნაწილზე დაგეგმილია 110/35 კვ ძაბვის ქვესადგურის განთავსება.