მარნეულის მუნიციპალიტეტი აცხადებს კონკურსს ახალგაზრდებისთვის „ბოლესლავოვოს ბიზნეს კვირეულის“ მონაწილეთა შესარჩევად. „ბოლესლავოვოს ბიზნეს კვირეული“ არის უნიკალური ღონისძიება, რომელსაც პოლონეთში, ქ.გდანსკში ორგანიზებას უწევენ 2011 წლიდან „ვაშინგტონის ბიზნეს კვირეულთან“ და მრავალ სხვა პარტნიორთან თანამშრომლობით.
„ბოლესლავოვოს ბიზნეს კვირეული“ („Bolesławowo Business Week“ ) გაიმართება 2016 წლის 3 – 8 ივლისს სოფლის მეურნეობის სკოლაში (Zespół Szkół Rolniczych Centrum Kształcenia Praktycznego) ბოლესლავოვოში.
ღონისძიების პროგრამული ნაწილი მიზნად ისახავს ახალგაზრდებისთვის მეწარმეობისა და კრეატიულობის სწავლებას. პროგრამული სემინარები შექმნილია 16–18 წლის ახალგაზრდებისთვის.
მთელი ღონისძიების განმავლობაში მონაწილეები დაიყოფიან ჯგუფებად, მონაწილეობას მიიღებენ ბევრ თამაშში და ბიზნესს სიმულიაციებში. ყოველდღე ისინი შეეჯიბრებიან ერთმანეთს ისეტ ბიზნესს საკითხებში როგორიცაა: გადაწყვეტილების მიღება, ფასები, ღირებულება, ბიუჯეტი, ადამიანური რესურსები, საზოგადო ურთიერთობები და სხვა. გარდა ამისა მიიღებენ გუნდური თანამშრომლობის პრაქტიკულ უნარ–ჩვევებს. სამუშაო ენა ინგლისურია.
კონკურსის პირობები:
აუცილებელი მოთხოვნა:
1. მონაწილეობის მსურველი უნდა იყოს 16-დან 18 წლამდე ასაკის;
2. სავალდებულოა ინგლისური ენის ცოდნა;
3. სასურველია პასპორტის ქონა;
პირველი ეტაპი:
დაინტერესებულმა პირმა ელექტრონულ მისამართზე: municipaliteti@marneuli.ge უნდა წარმოადგინოს:
• CV
• სამოტივაციო წერილი.
მეორე ეტაპი:
გასაუბრება - კონკურსის შედეგად შეირჩევა 2 ახალგაზრდა.