11 ნოემბერს, მარნეულის მუნიციპალიტეტის გამგეობაში, მარნეულის მუნიციპალიტეტის გამგებელი მერაბ თოფჩიშვილი ორგანიზაცია DVV International-ის წარმომადგენლებს შეხვდა.

შეხვედრაზე ადგილობრივ მოქალაქეთა პროფესიული გადამზადების, მათი სხვადასხვა სოციალური კულტურული თუ სამოქალაქო აქტივობების გაზრდის საკითხებზე ისაუბრეს.
ასევე ისაუბრეს, ზრდასრულთა განათლების ცენტრის დაარსების პრაქტიკაზე და გზებზე ქალაქ მარნეულში, რაზეც ადგილობრივი თვითმმართველობა საკუთარი შესაძლებლობების ფარგლებში მაქსიმალურ მხარდაჭერას პირდება. 
გარდა ამისა, შეხვედრის თემას თვითმმართველობის თანამშრომელთათვის კვალიფიკაციის ასამაღლებელი ტრენინგების საჭიროებების საკითხიც წარმოადგენდა.
შეგახსენებთ, რომ 2009 წელს ევროკავშირის საგრანტო პროგრამის IFS(Istrument for Stability)ფარგლებში DVV International-მა სათემო განათლების ცენტრი მარნეულის მუნიციპალიტეტის სოფელ შაუმიანში დაარსა.