მარნეულელი სპორტსმენი თამაზ ბოჭოიძე მკლავჭიდში 2023 წლის მსოფლიო ჩემპიონი გახდა

მარნეულის მუნიციპალიტეტის მერმა კენან ომაროვმა, საკრებულოს თავმჯდომარე ამირან გიორგაძემ, მერის პირველმა მოადგილემ როინ დეკანოიძემ, საკრებულოს თავმჯდომარის მოადგილე რიჩარდ გიგანმა, ადგილობრივი თვითმმართველობის წარმომადგენლებმა, ოჯახის წევრებმა და გულშემატკივრებმა, ყაზახეთიდან დაბრუნებულ მარნეულელ სპორტსმენს აეროპორტში დახვედრა მოუწყვეს და მიღწეული წარმატება მიულოცეს. 

აღსანიშნავია, რომ მსოფლიო ჩემპიონატზე მარნეულიდან, ოფიციალური დელეგაცია იმყოფებოდა. ყაზახეთში გამართულ 2023 წლის მსოფლიო ჩემპიონატზე მკლავჭიდში, მარნეულელმა თამაზ ბოჭოიძემ მოიპოვა ჩემპიონობა! მან 90 კილოგრამ წონით კატეგორიაში მარჯვენა მკლავში პირველი ადგილი დაიკავა და მსოფლიო ჩემპიონი გახდა. მან ასევე წარმატებით იასპარეზა აბსოლუტურ წონაში და მსოფლიო ჩემპიონატზე მეორე საპრიზო ადგილი დაიკავა.

მარნეულის მუნიციპალიტეტის თვითმმართველობა ულოცავს სპორტსმენს გამარჯვებას და წარმატებებს უსურვებს!