დღეს, მარნეულის მუნიციპალიტეტის თვითმმართველობა, ჰემატოლოგიისა და ტრანსფუზიოლოგიის კვლევითი ინსტიტუტის სისხლის ბანკის მიერ ორგანიზებულ სისხლის უანგარო დონორთა აქციაში „თქვენ დღეს სიცოცხლე გადაარჩინეთ“ ჩაერთო.

აქციის ფარგლებში, გამგეობის საკონფერენციო დარბაზში მთელი დღის განმავლობაში მიმდინარეობდა სისხლის ჩაბარება. აქციის ფარგლებში თვითმმართველობის თანამშრომლებთან ერთად, სისხლი ჩააბარეს მარნეულის მუნიციპალიტეტის გამგებელმა მერაბ თოფჩიშვილმა და საკრებულოს თავმჯდომარემ ნაბი აბდულაევმა.
აქციაში მონაწილე ყველა მონაწილეს ჰემატოლოგიისა და ტრანსფუზიოლოგიის კვლევითი ინსტუტის სახელით მადლობის სიგელი გადაეცა.
აღსანიშნავია, რომ უანგარო დონორთა აქციაში მონაწილეობის მიღებით ბევრ პაციენტს მიეცემა შვება და გაუხანგრძლივდება სიცოცხლე.