30 და 31 ოქტომბერს, სასტუმრო „თბილისი მერიოტში“, გაეროს ქალთა ორგანიზაციის, ქალთა საინფორმაციო ცენტრისა და ქალთა ფონდის “ტასო“-ს ორგანიზებით ორდღიანი კონფერენცია გაიმართა.
კონფერენციის პირველი დღეს, ადგილობრივ თვითმმართველობებში გენდერული თანასწორობის პრინციპების დანერგვა, ერთი ფანჯრის პრინციპით შეხვედრების მოდელი და მიღწეული შედეგები განიხილეს .
მეორე დღე კი - გენდერულად მგრძნობიარე ბიუჯეტირების განხილვას დაეთმო. მარნეულის ადგილობრივ თვითმმართველობას საშუალება მიეცა პრეზენტაციის სახით ესაუბრა საკუთარ გამოცდილებაზე იმ თვითთმმართველობებთან ერთად, რომლებმაც გენდერულად მგრძნობიარე ბიუჯეტირება წარმატებით დანერგეს.
ღონისძიების მონაწილეებს სიტყვით მიმართეს ფინანსთა მინისტრის მოადგილემ ცოტნე ყავლაშვილმა და რეგიონალური განვითარებისა და ინფრასტრუქტურის მინისტრის მოადგილემ თენგიზ შერგელაშვილმა.
კონფერენციას ესწრებოდნენ მარნეულის მუნიციპალიტეტის გამგებელი მერაბ თოფჩიშვილი, თვითმმართველობის სხვა ხელმძღვანელი პირები, გამგეობის თანამშრომლები, საკრებულოს დეპუტატები და თანამშომლები, არასამთავრობო ორგანიზაციების წარმომადგენლები და სოფლად მცხოვრები აქტივისტი ქალები.
აღსანიშნავია, რომ მარნეულის მუნიციპალიტეტი გენდერულად მგრძნობიარე ბიუჯეტირების პროექტის იდეის პრაქტიკაში დანერგვით ნოვატორს წარმოადგენს, რისთვისაც პროექტის ფარგლებში გაწეული განსაკუთრებული მხარდაჭერისათვის მარნეულის მუნიციპალიტეტის გამგებელს მერაბ თოფჩიშვილს და მარნეულის საკრებულოს თავჯდომარის თანაშემწეს გენდერულ საკითხებში ია ესებუას, მადლობის ნიშნად სერთიფიკატები გადაეცათ.
ღონისძიება ჩატარდა გაეროს ქალთა ორგანიზაციის პროექტის „ქალები თანასწორობის, მშვიდობისა და განვითარებისთვის“ ფარგლებში, ნორვეგიის მთავრობის ფინანსური მხარდაჭერით.