23 ოქტომბერს, გამგეობისა და საკრებულოს თანამშრომლებს, აქტუალურ საკითხებზე ერთდღიანი ტრეინინგი ჩაუტარდათ.
ტრენინგი, რომელსაც „საერთაშორისო გამჭირვალობა საქართველო“–ს წარმომადგენლები უძღვებოდნენ, თემატურად მრავალფეროვანი და მნიშვნელოვანი საკითხებისაგან შედგებოდა. მსმენელებმა მოისმინეს თემები ცენტრალური და ადგილობრივი ხელისუფლების ფუნქციების და უფლება-მოვალეობების, ქონებრივი დეკლარაციის არსისა და შევსების წესის შესახებ. სადაც ასევე შეასრულეს პროგრამული ბიუჯეტირების შესახებ პრაქტიკული სავარჯიშოებიც.
ტრეინინგის მიმდინარეობას მარნეულის მუნიციპალიტეტის გამგებელი მერაბ თოფჩიშვილიც გაეცნო. მან ტრენინგის ორგანიზატორებს მადლობა გადაუხადა და ბიუჯეტის დაგეგმვის პროცედურების შესახებ არსებული მდგომარეობა გააცნო.
აღსანიშნავია, რომ ორგანიზაცია „საერთაშორისო გამჭირვალობა– საქართველო“ ახორციელებს პროექტს, რომლის ერთ–ერთი მიზანია ეთნიკური უმცირესობებით დასახლებულ რეგიონებში საჯარო მოსამსახურეების შესაძლებლობების გაძლიერება.