დღევანდელი დღე შიიტი მუსულმანებისთვის გლოვის დღეა. ამასთან დაკავშირებით მარნეულში მცხოვრებმა მუსლიმმა მოსახლეობამ ტრადიციული გლოვის რიტუალი ჩაატარა.
მარნეულის მუნიციპალიტეტის გამგებელი მერაბ თოფჩიშვილი და საკრებულოს თავმჯდომარე ნაბი აბდულაევი ადგილობრივი ხელისუფლების წარმომადგენლებთან ერთად მუნიციპალიტეტის ტერიტორიაზე მდებარე ხუთ მეჩეთში იმყოფებოდნენ, სადაც კოლექტიურ ლოცვასა და სამგლოვიარო საგალობლებს დაესწრნენ.
აშურა - წინასწარმეტყველ მუჰამედის შვილიშვილის იმამ ჰუსეინისადმი მიძღვნილი გლოვის დღეა, რომელიც VII საუკუნეში, ქარბალას ბრძოლის დროს მოწამეობრივი სიკვდილით გარდაიცვალა.