23 ოქტომბერს, მარნეულის მუნიციპალიტეტის გამგეობაში, ადმინისტრაციული სამსახურის უფროსი ნინო დეკანოიძე ორგანიზაცია „ერთად რეალური ცვლილებებისთვის“ წარმომადგენლებს და არასამთავრობო ორგანიზაცია „ჰელფინგ ჰენდ“ (Helping Hand)– ის მარნეულელ მოხალისეებს შეხვდა.

შეხვედრაზე შეზღუდული შესაძლებლობების მქონე პირთა საზოგადოებაში ჩართულობის გაზრდის საკითხებზე და მათთვის სამუშაო-სარეაბილიტაციო გარემოს შექმნაზე ისაუბრეს. ასევე განიხილეს ახალგაზრდებში, მოხალისეობრივი კულტურის დანერგვის და განვითარების საკითხები, რაზეც ადგილობრივმა თვითმმართველობა საკუთარი შესაძლებლობების ფარგლებში მაქსიმალურ თანადგომას დაპირდა. 
აღნიშნული პროექტი ხორციელდება არასამთავრობო ორგანიზაცია „ჰელფინგ ჰენდ“– ის მიერ მაკლეინის ასოციაციის მხარდაჭერით. პროექტის ასევე უჭერს მხარს მარნეულის მუნიციპალიტეტის თვითმმართველობა და არასამთავრობო ორგანიზაცია „ერთად რეალური ცვლიებებისაკენ“.