დღეს, გამგეობაში მიხეილ ჯავახიშვილის 135 წლის საიუბილეო ღონისძიების გამართვასთან დაკავშირებით სამუშაო შეხვედრა გაიმართა.
შეხვედრას მარნეულის მუნიციპალიტეტის გამგებელი მერაბ თოფჩიშვილი, მოადგილეები თეიმურაზ ბერიძე და ქამანდარ ისმაილოვი, საკრებულოს თავმჯდომარე ნაბი აბდულაევი და თვითმმართველობის სხვა ხელმძღვანელი პირები ესწრებოდნენ, სადაც განიხილეს ღონისძიების გამართვასთან დაკავშირებული საორგანიზაციო საკითხები და სხვა დეტალები.
გაცნობებთ, რომ ქართველი გამოჩენილი მწერლის მიხეილ ჯავახიშვილის 135 წლის იუბილე 25 ოქტომბერს სოფელ წერაქვში გაიმართება.
აღსანიშნავია, რომ დღესასწაული ჯავახიშვილობა სოფელ წერაქვში ტრადიციულად ყოველ წელს აღინიშნებოდა, თუმცა სამწუხაროდ 1991 წლიდან ეს ტრადიცია დავიწყებას მიეცა. წელს კი მარნეულის მუნიციპალიტეტის თვითმმართველობის ინიციატივით ეს დღესასწაული აღდგა.