დღეს, მარნეულის მუნიციპალიტეტის გამგეობაში სოფლად მცხოვრები ქალების საერთაშორისო დღე აღინიშნა, რომლის ორგანიზებაც „ქალთა ოთახმა“ უზრუნველყო.

შეხვედრას ესწრებოდნენ მარნეულის მუნიციპალიტეტში მცხოვრები ქალბატონები, ომში დაღუპული გმირების მეუღლეები, შვილები და დედები, გამგეობის თანამშრომლები და სხვა დაინტერესბული პირები.
აღსანიშნავია, რომ ქალბატონებს სოფლად მცხოვრები ქალების საერთაშორისო დღე ქვემო ქართლში სახელმწიფო რწმუნებულ–გუბერნატორმა პაატა ხიზანაშვილმა, მარნეულის მუნიციპალიტეტის გამგებლმა მერაბ თოფჩიშვილმა და თვითმართველობის სხვა ხელმძღვანელმა პირებმა მიულოცეს. მათ სიტყვით მიმართეს მოწვეულ ქალბატონებს და აქტიურ საზოგადოებრივ ცხოვრებაში ქალების მაქსიმალურ ჩართულობაზე ისაუბრეს.
სოფლად მცხოვრები ქალების საერთაშორისო დღე გაეროს გენერალური ასამბლეის მიერ 2008 წლიდან აღინიშნება.