დღეს, მარნეულის მუნიციპალიტეტის გამგეობაში მორიგი სამუშაო თათბირი გაიმართა. გამგებელმა მერაბ თოფჩიშვილმა, თვითმმართველობის სხვა ხელმძღვანელ პირებთან და ადმინისტრაციულ ერთეულში გამგებლის წარმომადგენლებთან ერთად, გასული პერიოდის განმავლობაში გაწეული სამუშაოები მიმოიხილა, მუნიციპალიტეტში არსებული მდგომარეობა შეაფასა და პრობლემების გადაჭრის გზებზე იმსჯელა.

თათბირზე ძირითადად საუბარი შეეხო „სოფლის მხარდაჭერის პროგრამის ფარგლებში“ მიმდინარე ინფრასტრუქტურულ პროექტებს, სადაც დეტალურად განიხილეს სამუშაოების მიმდინარეობის საკითხი.