10 ოქტომბერს, ქალაქ რუსთავში ,,რუსთავქალაქობას'' აღინიშნა. დილიდან ქალაქის ცენტრალურ მოედანზე, სხვადასხვა კულტურული, სპორტული და გასართობი ღონისძიებები მიმდინარეობდა.
აღანიშნავია, რომ კოსტავას გამზირზე ქვემო ქართლის რეგიონის მუნიციპალიტეტების მიერ წარმოდგენილი იყო პავილიონები, სადაც დღესასწაულის სტუმრებს ქართული და სხვა ეროვნული კერძების დაგემოვნების შესაძლებლობა ჰქონდათ.
რუსთავქალაქობის დღესასწაულზე დამთვალიერებლების წინაშე ღირსეულად წარსდგა მარნეულის მუნიციპალიტეტი, სადაც სტუმართა დიდი ყურადღება და მოწონება დაიმსახურა სოფლის ნობათის გამოფენამ. გარდა ამისა, მოეწყო მუნიციპალიტეტში არსებული კულტულური მემკვიდრეობის ძეგლების ფოტოების და მხატვარ მანუჩარ პაპიძის ნახატების გამოფენაც. ღონისძიებაზე მარნეულის მუნიციპალიტეტის კულტურის ცენტრთან არსებულმა ქორეოგრაფიულმა ანსამბლმა „იბერიამ“ საცეკვაო ნომრები წარმოადგინა. სადღესასწაულო პროგრამა 16.00 საათზე გალა კონცერტით გაგრძელდა, სადაც ადგილობრივი და მოწვეული მუსიკალური ჯგუფები და მომღერლები იღებდნენ მონაწილეობას.
,,რუსთავქალაქობის'' საზეიმო ღონისძიებები გრანდიოზული ფოიერვერკით დასრულდა.