დღეს, მარნეულის მუნიციპალიტეტის გამგეობის საკონფერენციო დარბაზში, ორგანიზაცია „სიქა“–ს (საგანმანათლებლო ინიციატივების ქართული ასოციაცია) ორგანიზებით და მარნეულის მუნიციპალიტეტის გამგეობის მხარდაჭერით, სოფელ ილმაზლოს, ყულარისა და კაჩაგანის საჯარო სკოლების მოსწავლეები და პედაგოგები მარნეულის მუნციპალიტეტის გამგებელს მერაბ თოფჩიშვილს, გამგებლის პირველ მოადგილეს ზაურ ტაბატაძეს და ინფრასტრუქტურის სამსახურის წარმომადგელებს შეხვდნენ.

შეხვედრაზე მოსწავლეებმა და პედაგოგებმა თვითმმართველობის ხელმძღვანელ პირებთან ერთად თავიანთ სოფლებში არსებულ ინფრასტრუქტულ პრობლემებზე ისაუბრეს და გადაჭრის გზებზე იმსჯელეს.
შეხვედრა სიქა–საგანმანათლებლო ინიციატივების ქართული ასოციაციის პროექტის „მომავლის თაობა“–ის ფარგლებში შედგა, რომელიც მსგავსი შეხვედრების მოწყობას მომავალშიც ითვალისწინებს.