დღეს, მარნეულის მუნიციპალიტეტის გამგეობაში პროექტ „თანამონაწილეობითი ბიუჯეტის“ ფარგლებში, შემოსული საპროექტო განაცხადების განხილვა დაიწყო.

პროექტებს განიხილავენ მარნეულის მუნიიცპალიტეტის ინფრასტრუქტურის სამსახური, თვითმმართველობის ხელმძღვანელი პირები და პოლონელი ექსპერტები.
აღსანიშნავია, რომ პროექტების განხილვისას განისაზღვრება პროექტის ზუსტი ღირებულება, მისი განხორციელების ტექნიკურ და იურიდიულ შესაძლებლობები, ამოცანებში და პრიორიტეტები. ასევე განისაზღვრება პროექტის განხორციელების პეროდი.
შეგახსენებთ, რომ თანამონაწილეობითი ბიუჯეტი მოქალქეების ინტერესების გამოხატვის ერთ–ერთი საშუალებაა მუნიციპალიტეტის ბიუჯეტის განაწილებასა და მის ხარჯვაში. 
ქვემო ქართლის რეგიონში, მარნეულის მუნიციპალიტეტი არის პირველი, რომელიც 2015 წელს ახორციელებს 2016 წლის პირველ თანამონაწილეობითი ბიუჯეტის საპილოტე პროგრამას, რისთვისაც მარნეულის მუნიციპალიტეტის თვითმმართველობა ადგილობრივი ბიუჯეტიდან გამოყოფს 1 500 000 ლარს, აქედან მიკროპროექტების განსახორციელებლად გათვალისწინებულია 500 000 ლარი. ერთი პროექტის მაქსიმალური ღირებულება კი 10 000 ლარია.
აღსანიშნავია, რომ პროექტში ჩაერთო 118 მონაწილე 43 სოფლიდან. მათ შეისწავლეს, თუ როგორ მუშაობს/ნაწილდება მარნეულის მუნიციპალიტეტის ბიუჯეტი და აგრეთვე გაიგეს თანამონაწილეობრივი ბიუჯეტის იდეა. 
პროექტი ხორციელდება „დემოკრატიის მხარდაჭრის“ პროგრამის ფარგლებში, პოლონეთის რესპუბლიკის საგარეო საქმეთა სამინისტროს მიერ, რომელსაც საქართველოში ახორციელებს პოლონური ფონდი „სხვა სივრცე“ ( „The Other Space Foundation”) და ა(ა)იპ „ერთიანი კავკასიის“ წარმომადგენლები.