მარნეულის მუნიციპალიტეტის გამგეობის საკონფერენციო დარბაზში მიმდინარეობს ტრენინგი თემაზე - „მეხორცული და მერძეული ჯიშის საქონლის კვების რაციონის შემადგენლობა და მართვის საკითხები“.
აღნიშნულ ტრენინგებს, რომელიც ორი დღის განმავლობაში გრძელდება სოფლის მეურნეობის ქვემო ქართლის, სამცხე ჯავახეთის და მცხეთა-მთიანეთის რეგიონული სამმართველოს თანამშრომლები ესწრებიან.
ტრენინგი მიზნად ისახავს სამმართველოს თანამშრომლების ინფორმირებულობას თემაზე - მეხორცული და მერძეული ჯიშის საქონლის კვების რაციონის შემადგენლობასა და მართვის საკითხებე, რათა მათ უფრო ეფექტურად შეძლონ ფერმერებისთვის მრავალფეროვანი კონსულტაციების გაწევა კონკრეტულად ამ დარგობრივი მიმართულებით. ტრენინგები პროექტის „ექსტენციისა და საკონსულტაციო მომსახურების გაძლიერება საქართველოში“ (SEAS) ფარგლებში გაიმართა.
,,ექსტენციისა და საკონსულტაციო მომსახურეობის გაძლიერების“ (SEAS)-ის პროექტი USAID-ის ინიციატივითა და ხელშეწყობით ხორციელდება, რომელიც ითვალისწინებს სოფლის მეურნეობის სამინისტროს თანამშრომლების გადამზადებას და მათთვის სოფლის მეურნეობაში არსებული საუკეთესო პრაქტიკის გაცნობას.