დღეს, ღვთისმშობლის შობის დღესასწაულთან დაკავშირებით, სოფელ წერეთელში ღვთისმშობლის შობის სახელობის ტაძარში საზეიმო წირვა–ლოცვა მარნეულისა და ჰუჯაბის ეპისკოპოსმა მეუფე გიორგიმ აღავლინა.
საზეიმო წირვას მარნეულის მუნიციპალიტეტში მოქმედი ეკლესია–მონასტრების წინამძღვრები, მრევლი, ადგილობრივი ხელისუფლების წარმომადგენლები და მოსახლეობა ესწრებოდა.
წირვის დასრულების შემდეგ მეუფე გიორგიმ, ღვთისმშობლობის დღესასწაულის მნიშვნელობაზე ისაუბრა და ტაძარში შეკრებილი საზოგადოება დალოცა.
აღსანიშნავია, რომ სოფელ წერეთელში ღვთისმშობლის სახელობის ტაძრის მშენებლობა დასრულებულია, ამ ეტაპზე მიმდინარეობს ეკლესიის მიმდებარე ტერიტორიის მოპირკეთება, რომლის შემდგომაც მოხდება მისი გახსნა.