დღეს, მარნეულის მუნიციპალიტეტის გამგეობაში, საქართველოს აზერბაიჯანელ ქალთა კავშირის, საარჩევნო სისტემების განვითარების, რეფორმებისა და სწავლების ცენტრის, საქართველოს ცენტრალური საარჩევნო  კომისიის ორგანიზებითა და მარნეულის მუნიციპალიტეტის მხარდაჭერით  პროექტი „საარჩევნო პროცესისადმი ნდობის გაზრდის ხელშეწყობა“-ის ფარგლებში ადგილობრივ მოსახლეობასთან თემაზე „არჩევნები და ეთნიკური უმცირესობა“ საინფორმაციო შეხვედრა გაიმართა.

მრგვალი მაგიდის ფორმატში შეხვედრის მიზანს საქართველოს საარჩევნო სისტემის, ხმის მიცემის პროცედურის და არჩევნების მნიშვნელობის შესახებ ადგილობრივი მოსახლეობის ინფორმირებულობა წარმოადგენდა.
შესავალი ნაწილი პროექტის წარდგენასა და შეხვედრის მონაწილეების გაცნობას დაეთმო, რის შემდეგაც მონაწილეებმა ერთმანეთს  არჩევნებში მონაწილეობის საკუთარი გამოცდილება გაუზიარეს. 
რაც შეეხება შეხვედრის შედეგებს, მონაწილეთა დახმარებით  შეჯამდა მრგვალი მაგიდის დროს გამოკვეთილი საკითხები და მოსაზრებები.