ძვირფასო მარნეულის მცხოვრებლებო,
როგორც იცით მარნეულის მუციპალიტეტში ხორციელდება პროექტი „თანამონაწილეობითი ბიუჯეტი“, რომელიც დაფინანსებულია „საერთაშორისო სოლიდარობის ფონდი“–ს მიერ. აღნიშნულ პროექტს, საქართველოში ახორციელებს პოლონური ფონდი „სხვა სივრცე“ ( „The Other Space Foundation”) ა(ა)იპ „ერთიანი კავკასიის“ წარმომადგენლებთან ერთად.
პროექტის ფარგლებში, მარნეულის მუნიციპალიტეტის თითოეულ მოქალაქეს ან მოქალაქეთა ჯგუფს შესაძლებლობა აქვს მუნიციპალიტეტის განვითარების მიზნით, დაწერონ და წარადგინონ პროექტები სხვადასხვა თემატიკაზე.
27–28 აგვისტოს, სოფელ წერაქვში კი მოეწყობა შეხვედრა, სადაც იქ შეკრებილი მოქალაქეების მიერ გამოვლინდება მხარდაჭერილი პროექტები. (აღნიშნულ რიცხვებში, დაინტერესბულ მოქალაქეებს მოემსახურება უფასო ტრანპორტი, რომელიც იმოძრავებს მარნეული–წერაქვის მიმართულებით)
აღსანიშნავია, რომ მარნეულის მუნიციპალიტეტში, მიმდინარე პროექტის „თანამონაწილეობითი ბიუჯეტისათვის“ გამოყოფილი თანხა 1 500 000 ლარზე მეტს შეადგენს, აღნიშნული თანხიდან 500 000 ლარი მიკრო–პროექტებისათვისაა განკუთვნილი.
პროექტის ფარგლებში ნებისმიერ მარნეულელს შესაძლებლობა გათქვ იფიქროთ თქვენს მეზობლებთან ერთად მიკრო პროექტებზე, რომელიც სამომავლოდ დაინერგება თქვენს სოფელსა და ქალაქში. გარდა ამისა, მარნეულის მუნიციპალიტეტში მცხოვრებლებს საშუალება გაქვთ, სხვადასხვა სოფლების წარმომდგნლებთან ერთად, შეიმუშაოთ მასშტაბური პროექტიც, რომლის განხორციელება შეცვლის თქვენს მუნიციპალიტეტს.
პროექტის ფორმა მოცემულია აზერბაიჯანულ, რუსულ და ქართულ ენებზეე, რომელიც შეგიძლიათ ჩამოტვირთოთ საიტიდან www.marneuli.gov.ge , შეავსოთ და შევსებული განაცხადი გააგზავნოთ მითითებულ ელექტრონულ ფოსტაზე lara.gelashvili@yahoo.com .
პროეტების წარდგენა შესაძლებელია არა უგვიანეს 20 აგვისტოსი.
განაცხადის ფორმა - GE
განაცხადის ფორმა - RU
განაცხადის ფორმა - AZ