დღეს, მარნეულის მუნიციპალიტეტის გამგებლის  პირველმა მოადგილემ ზაურ ტაბატაძემ, მთავრობის ადმინისტრაციის რეგიონებთან და თვითმმართველობებთან ურთიერთობის დეპარტამენტის – რეგიონული პროექტების მონიტორინგის სამსახურის უფროსთან მინიდია ღლონტთან, ქვემო ქართლში სახელმწიფო რწმუნებულის – გუბერნატორის ადმინისტრაციის რეგიონალური პროექტების კოორდინაციის სამსახურის უფროსთან გიორგი ხომერიკთან და თვითმმართველობის სხვა ხელმძღვანელ პირებთან ერთად მუნიციპალიტეტში მიმდინარე ოთხი ინფრასტრუქტურული  პროექტი მოინახულა.

სტუმრებმა დაათვალიერეს შემდეგი პროექტები: სოფელ თამარისში არსებული საკანალიზაციო ქსელის სარეაბილიტაციო სამუშაოები და გარე განათების მოწყობა, სოფელ წერეთლის შიდა გზების,  ქ. მარნეულში #1 სამხედრო დასახლებაში ორ სართულიანი საცხოვრებელი კედლის სარეაბილიტაციო სამუშაოები, ასევე ქ. მარნეულში მდებარე  #11 საცხოვრებელი კორპუსის საძირკვლების  გამაგრებითი სამუშაოები.
აღსანიშნავია,  რომ ქვემო ქართლში  უკვე ორი დღეა მიმდინარეობს რეგიონში მიმდინარე ინფრასტრუქტურული პროექტების მონიტორინგი, რომელიც  ორ დღეში დასრულდება.