29 ივლისს, მარნეულის მუნიციაპლიტეტის გამგეობაში 26 მაისის ქუჩაზე არსებული №3 საბავსვო ბაგა–ბაღის სარეაბილიტაციო სამუშაოების დაწყებასთან დაკავშირებით სამუშაო შეხვედრა გაიმართა.
შეხვედრას ესწრებოდნენ , მარნეულის მუნიცპალიტეტის გამგებელი მერაბ თოფჩიშვილი, პირველი მოადგილე ზაურ ტაბატაძე, თვითმმართველობის სხვა ხელმძღვანელი პირები, მუნიციპალური განვითარების ფონდის („მ.გ.ფ“) და მსოფლიო ბანკის წარმომდგენლები.
შეხვედრაზე განიხილეს №3 საბავშვო ბაგა–ბაღის სარეაბილიტაციო სამუშაოების დაწყებასთან დაკავშირებული დეტალები.
პროექტი ხორციელდება თანადაფინასებით, რომლის ღირებულებაა 488 000 ლარი. მსოფლიო ბანკი გრანტის სახით 85 %–ს აფინანსებს, თვითმმართველობა კი 15 %–ს. პროექტი დაიწყება აგვისტოს ბოლოს და დასრულდება მიმდინარე წლის დასასრულს.