დღეს, მარნეულის მუნიციპალიტეტის გამგეობაში, გამგებელი მერაბ თოფჩიშვილი, მოადგილეებთან და თვითმმართველობის სხვა ხელმძღვანელ პირებთან ერთად პოლონური ფონდი “The Other Space Foundation” და ა(ა)იპ „ერთიანი კავკასიის“ წარმომადგენლებს შეხვდა, სადაც პროექტი თანამონაწილეობითი ბიუჯეტის განხორციელების სამოქმედო გეგმაზე იმსჯელეს.
პროექტი თანამონაწილეობითი ბიუჯეტი – გულისხმობს ადგილობრივი ბიუჯეტის შემუშავებას და დამტკიცებას მოქალაქეთა მაქსიმალურ ჩართულობით, ფინანსური გეგმის ერთობლივ მართვას–მოქალაქეებისა და ადგილობრივი ხელისუფლების წარმომადგენლების მიერ.
პროექტის წარმომადგენლების განმარტებით თანამონაწილეობითი ბიუჯეტი უზრუნველყოფს რეგიონის მოსახლეობის ჩართულობას ფინანსური გადაწყვეტილებების პრიორიტეტული საკითხების განხილვაში და მიღებაში. მუნიციპალიტეტის მიერ განხილული და დამტკიცებული პროექტების რეალიზაცია იქნება ნათელი მაგალთი და სტიმული მოსახლეობისთვის, რაც ხელს შეუწყობს მოქალაქეების აქტიური თანამშრომლობის გაღრმავებას ადგილობრივ ხელისუფლებასთან.
აღსანიშნავია, რომ 29–30–31 ივლისს ჩატარდება ტრენინგები მარნეულში, სადახლოსა და შულავერის ადმინისტრაციულ ერთეულებში, სადაც მოსახლეობასთან ერთად ბიუჯეტის ფორმის საბოლოო სახით შერჩევა მოხდება , ასევე შემუშავდება საინტერესო იდეები და ინიციატივები, რომელიც შემგომ შეჯერდება და დაინერგება.
აგვისტოს პირველ ნახევრში ორი დღის განავლობაში მოეწყობა მარათონი „პროექტის წერა“ , რომელიც განხორცილედება ზემოთაღნიშნულ ადმინისტრაციულ ერთეულებში.