საქართველოს სპორტისა და ახალგაზრდობის საქმეთა სამინისტროს მიერ ინიცირებული და მარნეულის მუნიციპალიტეტის განათლების, კულტური, სპორტის და ახალგაზრდულ საქმეთა განყოფილების მხარდაჭერით ქალაქ მარნეულში რუსთაველის  #84-ში  ხორციელდება პროექტი „იცხოვრე სპორტით, დარჩი ახალგაზრდა“.

მიმდინარე პროექტი გულისხმობს ქალაქებისა და რაიონული ცენტრების ხალხმრავალ ადგილებში ქუჩის სავარჯიშო მოწყობილობების დამონტაჟებას, რაც ხელს შეუწყობს ჯანსაღი ცხოვრების წესის დანერგვას მოსახლეობაში და გაზრდის  სპორტში აქტიურ ჩართულობას.
აღსანისნავია, რომ პროექტმა შექმნა 12 სამუშაო ადგილი.
რუსთაველის ქუჩაზე სავარჯიშო მოწყობილობების დამონტაჟების სამუშაოებს შპს „სამშენებლო ჯგუფი“ ასრულებს. პროექტი 2015 წლის 13 ივლისს დაიწყო და მიმდინარე თვის ბოლოს დასრულდება.
აღნიშნული პროექტი საქართველოს სპორტისა და ახალგაზრდობის საქმეთა სამინისტროს დაფინანსებით ხორციელდება.