7 ივლისს, მარნეულის მუნიციპალიტეტის თვითმმართველობამ ადგილობრივ  მუსლიმებს, რამაზანის მარხვის ვახშამით  –   იფთარის სუფრით უმასპინძლა.

იფთარზე სხვადასხვა ორგანიზაციებიდან მოწვეული სტუმრების გარდა, ადგილობრივი თვითმმართველობისა და მუნიციპალიტეტის ტერიტორიული ერთეულში მცხოვრები მოქალაქეები იმყოფებოდნენ.
იფთრის სუფრაზე  მარნეულის გამგებელმა ბატონმა მერაბ თოფჩიშვილმა და საკრებულოს თავჯდომარემ ბატონმა ნაბი აბდულაევმა  მოწვეულს  სტუმრებს რამაზანის თვე მიულოცეს  და დამსწრე საზოგადოებას  რამაზან ბაირამის დადგომა წინასწარ მიულოცეს.
იფთარზე მიწვეული სტუმრები ვახშმის შემდეგ, მეჩეთში სალოცავად შეიკრიბნენ.
რამაზანი ისლამური კალენდრის მეცხრე თვის სახელწოდებაა. ამ თვეში განთიადიდან მზის ჩასვლამდე ყველა მუსლიმი მარხულობს. მარხვის თვეში მუსლიმებისთვის მნიშვნელოვანია ღვთისმსახურება, ქველმოქმედება, გაჭირვებულების დახმარება. სწორედ, ამ ქველმოქმედების ერთ-ერთი მაგალითია, მარხვის თვეში მორწმუნე ადამიანების ვახშამზე მიპატიჟება.