მარნეულის მუნიციპალიტეტის გამგეობაში ევროინტეგრაციის თემაზე ქვემო ქართლში მცხოვრებ ფერმერებთან საინფორმაციო შეხვედრა გაიმართა.

ფერმერებთან შეხვედრაში მონაწილეობას იღებდნენ შერიგებისა და სამოქალაქო თანასწორობის სახელმწიფო მინისტრის აპარატის, ეკონომიკისა და მდგრადი განვითარების სამინისტროს, სოფლის მეურნეობის განვითარების სამინისტროს და ადგილობრივი ხელისუფლების წარმომადგენლები.
მომხსენებლებმა შეხვედრის მონაწილეებს მიაწოდეს ინფორმაცია ევროინტეგრაციის პროცესის, ასოცირების შეთანხმების მოსალოდნელ სარგებელზე – სოფლის მეურნეობისა და ვაჭრობის მიმართულებით. 
ევროინტეგრაციის თემაზე შეხვედრები რეგიონებში ევროინტეგრაციის საკითხთა კომუნიკაციისა და ინფორმაციის შესახებ საქართველოს მთავრობის 2014-2017 წლების სტრატეგიის ფარგლებში მიმდინარეობს.